आयपीएल 2025 मध्ये, गतविजेता कोलकाता नाईट रायडर्स (केकेआर) त्यांचा चौथा सामना 21 एप्रिल रोजी त्यांच्या घरच्या मैदानावर ईडन गार्डन्सवर खेळेल. या सामन्यात कोलकाता गुजरात टायटन्सशी भिडणार आहे. केकेआर विरुद्ध जीटी सामना सोमवार 21 एप्रिल रोजी कोलकाताच्या ईडन गार्डन स्टेडियमवर भारतीय वेळेनुसार सायंकाळी 7:30 वाजता खेळवला जाणार. नाणेफेक 7 वाजता होणार आहे.
आयपीएल 2025 चा हा 39 वा सामना असेल, ज्यामध्ये यजमान कोलकाता त्यांच्या फलंदाजांकडून गुणतालिकेत अव्वल स्थानावर असलेल्या गुजरात टायटन्सविरुद्ध चांगल्या कामगिरीची अपेक्षा करेल.
केकेआरने आतापर्यंत सात सामन्यांतून 6 गुण मिळवले आहेत आणि प्लेऑफच्या शर्यतीत टिकून राहण्यासाठी त्यांना उर्वरित सात सामन्यांपैकी किमान 5 सामने जिंकावे लागतील.
आयपीएलमध्ये आतापर्यंत केकेआर आणि जीटी यांच्यात फक्त 4 सामने खेळले गेले आहेत. यापैकी गुजरात संघाने दोन सामने जिंकले आहेत, तर कोलकाता संघाने एक सामना जिंकला आहे. दोन्ही संघांमधील एक सामना पावसामुळे रद्द करण्यात आला. दोन्ही संघांमध्ये ईडन गार्डन्सवर एक सामनाही खेळला गेला आहे, जिथे शुभमन गिलच्या नेतृत्वाखालील गुजरात टायटन्सने7 गडी राखून विजय मिळवला.
ईडन गार्डन्सवर एकूण 96 आयपीएल सामने खेळले गेले आहेत, ज्यामध्ये प्रथम फलंदाजी करणाऱ्या संघाने 40 सामने जिंकले आहेत. तर, लक्ष्याचा पाठलाग करणाऱ्या संघाने 56 सामने जिंकले आहेत.