लखनौ सुपर जायंट्स विरुद्धच्या सामन्यात राजस्थान रॉयल्सने 14वर्षीय वैभव सूर्यवंशीला पदार्पणाची संधी दिली. यासह, तो आयपीएलमध्ये पदार्पण करणारा सर्वात तरुण खेळाडू बनला. दुखापतीमुळे खेळत नसलेल्या राजस्थानचा कर्णधार संजू सॅमसनच्या जागी त्याला प्लेइंग 11 मध्ये समाविष्ट करण्यात आले.
गेल्या वर्षी आयपीएल 2025 साठी झालेल्या मेगा लिलावात वैभव सूर्यवंशीला राजस्थान रॉयल्सने 1.10 कोटी रुपयांना खरेदी केले होते. या खेळाडूची मूळ किंमत 30 लाख रुपये होती आणि तो त्याच्या मूळ किंमतीच्या जवळपास चौपट भावाने विकला गेला. तो आयपीएल लिलावाच्या इतिहासात विकला जाणारा सर्वात तरुण खेळाडू ठरला. बिहारच्या वैभवने फक्त 13 वर्षे आणि 242 दिवसांच्या वयात आयपीएल लिलावासाठी निवडलेला सर्वात तरुण खेळाडू म्हणून इतिहास रचला.
