दोघांमधील वादाचा हा व्हीडिओ सोशल मीडियावर सध्या चांगलाच व्हायरल होत आहे.
अन्न आणि नागरी पुरवठा तसंच नाशिकचे पालकमंत्री छगन भुजबळ हे अतिवृष्टी झालेल्या नांदगाव भागात दौऱ्यावर होते.पाहणीनंतर छगन भुजबळ यांनी आढावा बैठक घेतली. या बैठकीतच भुजबळ आणि कांदे यांच्यामध्ये खडाजंगी उडाल्याचं पाहायला मिळालं.
तहसिल कार्यालयात झालेल्या या बैठकीत छगन भुजबळ यांनी आपत्कालीन निधी देण्याचं आश्वासन दिलं. पण तातडीनं मदत मिळण्याची मागणी कांदे यांनी केली. त्यासाठी जिल्हाधिकारी, अधिकाऱ्यांशी चर्चा करावी लागेल, पण ते तातडीनं शक्य नसल्याचं भुजबळ म्हणाले त्यावर कांदे आणि त्यांच्यात शाब्दिक चकमक उडाली.
