भारतीय संघाची सलामीवीर फलंदाज प्रतिका रावलने तिच्या फलंदाजीने इतिहास रचला आहे. तिने अशी कामगिरी केली आहे जी पूर्वी फक्त ऑस्ट्रेलियन फलंदाजांपुरती मर्यादित होती. नवी मुंबईत न्यूझीलंडविरुद्ध खेळल्या गेलेल्या सामन्यात प्रतिकाने हा विक्रम केला. या सामन्यात तिने 134 चेंडूंचा सामना करत 122 धावांची खेळी केली.
गुरुवारी महिला एकदिवसीय विश्वचषकात न्यूझीलंडविरुद्ध खेळताना, प्रतीका रावलने तिच्या एकदिवसीय कारकिर्दीत 1000 धावा पूर्ण केल्या.प्रतिकाने तिच्या केवळ 23 व्या सामन्यात शानदार फलंदाजीने ही कामगिरी केली. महिला एकदिवसीय क्रिकेटमध्ये काही मोजक्याच फलंदाजांनी हा विश्वविक्रम केला आहे.
