गाझाच्या आरोग्य मंत्रालयाने गुरुवारी सांगितले की, युद्धविराम करार जाहीर झाल्यापासून इस्रायली हवाई हल्ल्यात किमान 72 लोक ठार झाले आहेत. मंत्रालयाने म्हटले आहे की ही आकडेवारी गाझा शहरातील दोन रुग्णालयांमध्ये पोहोचलेल्या मृतदेहांशी संबंधित आहे आणि वास्तविक संख्या जास्त असू शकते.
मंत्रालयाच्या नोंदणी विभागाचे प्रमुख झहीर अल-वहिदी म्हणाले की, कालचा दिवस रक्तरंजित होता आणि आज परिस्थिती आणखीनच बिकट झाली आहे. याआधी इस्रायलचे पंतप्रधान बेंजामिन नेतन्याहू यांनी हमाससोबतच्या 'शेवटच्या क्षणी संकटा'मुळे युद्धविराम करार मंजूर करण्यास इस्रायल विलंब करत असल्याचे म्हटले होते. गाझा पट्टीतील संघर्ष थांबवणे आणि अनेक ओलीसांची सुटका करणे हा या युद्धविराम कराराचा उद्देश आहे.
अमेरिकेचे अध्यक्ष जो बिडेन आणि कतार यांच्या मध्यस्थीने युद्धविराम कराराची घोषणा झाल्यानंतर काही तासांतच नेतन्याहू यांनी करारातील काही समस्यांकडे लक्ष वेधले होते. बुधवारी जाहीर झालेल्या करारानुसार गाझामधून अनेक ओलीस सोडले जातील आणि पॅलेस्टिनी कैद्यांना इस्रायलमध्ये परतण्याची परवानगी दिली जाईल. युद्धबंदीनंतर युद्ध संपवण्याच्या दिशेने पावले उचलली जातील. इस्रायल आणि हमास यांच्यात गेल्या पंधरा महिन्यांपासून युद्ध सुरू होते, त्याविरोधात जगभरातून निदर्शने होत होती.