इस्रायलकडून गाझावर सातत्याने बॉम्बहल्ला केला जात आहे. गाझा पट्टीवर इस्रायलने केलेल्या ताज्या हल्ल्यात तीन मुले आणि हमास संचालित पोलिस दलातील दोन अधिकाऱ्यांसह 10 लोक ठार झाले आहेत. पॅलेस्टाईन अधिकाऱ्यांनी याबाबत माहिती दिली आहे. इस्रायलने घोषित केलेल्या मानवतावादी झोन मुवासी येथे गुरुवारी हा हल्ला झाला.
हल्ल्याबाबत इस्रायलने म्हटले आहे की, त्यांनी दक्षिण गाझामधील हमास अंतर्गत सुरक्षा दलाचा प्रमुख दहशतवादी होसम शाहवान याला गुप्तचर माहितीवर आधारित हल्ल्यात ठार केले आहे.शाहवान हा गाझामधील आयडीएफवरील हल्ल्यांमध्ये हमासच्या लष्करी शाखेतील घटकांना मदत करण्यासाठी जबाबदार होता.
पॅलेस्टिनी अधिकाऱ्यांनी सांगितले की, मृतांमध्ये गाझा पोलिस महासंचालक मेजर जनरल महमूद सलाह आणि त्यांचे उप ब्रिगेडियर जनरल होसम शाहवान यांचा समावेश आहे. गाझामधील हमास संचालित सरकारमध्ये हजारो पोलिसांचा समावेश होता ज्यांनी युद्ध सुरू होण्यापूर्वी सार्वजनिक सुव्यवस्था राखली होती. आता, इस्रायलने लक्ष्य केल्यानंतर, अनेक भागात पोलिस मोठ्या प्रमाणात रस्त्यावर गायब झाले आहेत, ज्यामुळे कायदा आणि सुव्यवस्था ढासळली आहे.
