आरोग्य विभागाच्या वतीने एएनआयने प्रसिद्ध केलेल्या आकडेवारीनुसार, राज्यात 26 हजार 672 नव्या कोरोनाबाधित रुग्णांची नोंद झाली, यासह राज्यातील एकूण कोरोनाबाधित रुग्णांची संख्या 55 लाख 79 हजार 897 एवढी झाली आहे. त्यापैकी 51 लाख 40 हजार 272 रुग्ण उपचारानंतर बरे झाले आहेत.
सध्या राज्यात 3 लाख 48 हजार 395 सक्रिय रुग्णांवर उपचार सुरु आहेत. राज्यात 594 रुग्णांचा कोरोनामुळे मृत्यू झाला आहे. राज्यात आतापर्यंत 88 हजार 620 जण कोरोनामुळे दगावले आहेत. राज्याचा कोरोना मृत्यूदर 1.59 टक्के एवढा आहे. राज्याचा रिकव्हरी रेट वाढला असून, सध्या 92.12 टक्क्यांवर पोहोचला आहे.
