Pakistan-Afghanistan: युद्धबंदी दरम्यान पाकिस्तानने अफगाणिस्तानवर नागरिकांना लक्ष्य करत हवाई हल्ले केले

पाकिस्तानने आपले दुटप्पी धोरण सुरूच ठेवले आहे. अफगाणिस्तानसोबत सुरू असलेल्या युद्धबंदी दरम्यान पाकिस्तानने पुन्हा एकदा पक्तिका प्रांतातील नागरिकांच्या घरांना लक्ष्य करून हवाई हल्ले सुरू केले आहेत. तालिबानच्या एका अधिकाऱ्याने हल्ल्यांना दुजोरा दिला आणि इस्लामाबादने युद्धबंदीचा भंग केल्याचे सांगितले.

अफगाणिस्तान आणि पाकिस्तानमध्ये तात्पुरत्या युद्धबंदी वाढवण्याच्या वृत्तानंतर काही तासांतच ही घटना घडली. शुक्रवारी संध्याकाळी संपणाऱ्या या युद्धबंदीला दोहा चर्चेच्या समाप्तीपर्यंत मुदतवाढ देण्यात आली आहे.

जवळजवळ एका आठवड्यापूर्वी सुरू झालेल्या संघर्षांपासून डझनभर पाकिस्तानी आणि अफगाण सैनिक आणि नागरिकांचा मृत्यू झाला आहे, ज्यामुळे दोन दिवसांपूर्वी दोन्ही देशांमध्ये 48 तासांचा युद्धबंदी लागू करण्यात आला आहे. 

Edited By - Priya Dixit