मिळालेल्या माहितीनुसार इस्रायल आणि इराणमध्ये युद्धबंदी झाली आहे. सध्या दोन्ही देशांकडून एकमेकांवर होणारे हल्ले आता पूर्णपणे थांबले आहे. अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा म्हटले आहे की वॉशिंग्टनने २२ जून रोजी केलेल्या हल्ल्यांमध्ये इराणी अणुऊर्जा केंद्रे नष्ट केली आहे. ट्रम्प यांनी त्यांच्या दाव्यामागे इस्रायल अणुऊर्जा केंद्राने (IAEC) केलेल्या मूल्यांकनाचा हवाला दिला आहे. ट्रम्प यांनी इराणमधील फोर्डो अणुऊर्जा केंद्रावर IAEC ने केलेल्या मूल्यांकनाचा उल्लेख केला आहे, ज्यामध्ये म्हटले आहे की अमेरिकेच्या हल्ल्यामुळे त्या ठिकाणाची महत्त्वाची पायाभूत सुविधा नष्ट झाली आणि समृद्धीकरण सुविधा अक्षम झाली.
डोनाल्ड ट्रम्प काय म्हणाले?
डोनाल्ड ट्रम्प म्हणाले, "इस्रायलने म्हटले आहे की अणुऊर्जा केंद्रे नष्ट झाली आहे. आमच्या महान B-2 वैमानिकांचे आणि संबंधित सर्वांचे आभार!" ट्रम्प यांनी इस्रायली पंतप्रधान कार्यालयाचा हवाला देत म्हटले आहे की, आयएईसीने असेही मूल्यांकन केले आहे की इस्रायली हल्ल्यांसह अमेरिकेच्या हल्ल्यांमुळे तेहरानच्या अण्वस्त्र विकास कार्यक्रमाला अनेक वर्षांपासून मोठा धक्का बसला आहे.
