सर्वच गरजू रुग्णांना इंजेक्शन उपलब्ध होण्यासाठी ही नवी कार्यपद्धती सुरू करण्यात आली आहे. रुग्णाच्या ऑक्सिजन स्थितीसह, एचआरसीटी स्कोर व इतर बाबींची स्थिती दर्शविणारा चार्टच तयार करण्यात आला आहे. या चार्टनुसार रुग्णाची प्रकृती बघून हे इंजेक्शन त्यास दिले जाईल.
दुसऱ्या बाजूने जिल्ह्यास प्राप्त होणाऱ्या इंजेक्शनची रोजची माहिती इ मेलद्वारे सकाळी ९ वाजेच्या आत जिल्हाधिकारी कार्यालयातील आपत्ती व्यवस्थापन कक्षास सादर करावी लागणार आहे. नव्या प्रणाली अंतर्गत इंजेक्शनसाठी प्रथम रुग्णाचे संपूर्ण नाव, फोटोआयडी अर्थात आधार कार्डसह अन्य पुरावे द्यावे लागणार आहेत.
