ऑस्ट्रेलियाचा कसोटी कर्णधार पॅट कमिन्स (Pat Cummins)ची आई मारिया कमिन्स यांचे गुरुवारी दीर्घ आजाराशी झुंज दिल्यानंतर निधन झाले. अहमदाबाद येथील नरेंद्र मोदी स्टेडियमवर भारत आणि ऑस्ट्रेलिया यांच्यात सुरू असलेल्या चौथ्या कसोटीच्या (IND vs AUS 4th Test)दुसऱ्या दिवसाची सुरुवात होण्यापूर्वी क्रिकेट ऑस्ट्रेलियाने शुक्रवारी सकाळी एका ट्विटद्वारे या बातमीची पुष्टी केली. सीएने असेही सांगितले की ऑस्ट्रेलियन खेळाडू चौथ्या कसोटीच्या दुस-या दिवशी पॅट कमिन्स आणि त्याच्या कुटुंबासाठी "सन्मान म्हणून" काळ्या हातपट्ट्या घालतील.