IPL 2022 च्या 26 व्या सामन्यात लखनौ सुपर जायंट्सने मुंबई इंडियन्सचा 18 धावांनी पराभव केला. लखनौच्या या विजयात कर्णधार केएल राहुलने महत्त्वाची भूमिका बजावली. केएल राहुलच्या शतकाच्या जोरावर लखनौला पहिल्या डावात 199 धावांची मोठी धावसंख्या उभारता आली, ज्यासमोर मुंबई इंडियन्सने केवळ 181 धावा केल्या. केएल राहुलने 103 धावांच्या नाबाद खेळीत 9 चौकार आणि 5 गगनचुंबी षटकारही ठोकले. राहुलने आपल्या दमदार खेळीने ऑरेंज कॅपच्या शर्यतीत सामील असलेल्या अव्वल 5 खेळाडूंमध्ये आपले स्थान निर्माण केले आहे. केएल राहुलच्या नावावर आता 235 धावा झाल्या असून त्याच्यापुढे फक्त राजस्थान रॉयल्सचा जोस बटलर आहे.
राजस्थान रॉयल्सचा सलामीवीर जोस बटलरकडे अजूनही ऑरेंज कॅप आहे. या इंग्लिश खेळाडूने 5 सामन्यात 68 च्या सरासरीने 272 धावा केल्या आहेत, तर केएल राहुलच्या 6 सामन्यात 47 च्या सरासरीने 235 धावा आहेत. IPL 2022 मध्ये सर्वाधिक धावा करणाऱ्या खेळाडूंच्या यादीत राहुल आता बटलरपेक्षा 37 धावांनी मागे आहे.