लातूर मध्ये वेगवान एसयूव्ही हॉटेलात शिरली, एकाचा मृत्यू, चार जखमी

लातूर मध्ये रविवारी एक भीषण अपघात घडला, एक भरधाव वेगाने येणारी एसयूव्ही अनियंत्रित होऊन रस्त्याच्या कडेला असणाऱ्या हॉटेलात शिरली. या अपघातात एकाचा मृत्यू झाला तर 4 जण जखमी झाले. 

पोलिसांना अपघाताची माहिती मिळतातच ते घटनास्थळी पोहोचले आणि मृतदेह ताब्यात घेऊन शवविच्छेदनासाठी पाठविले. जखमींना रुग्णालयात दाखल केले.

मिळालेल्या माहितीनुसार, सदर अपघात लातूर- पुणे रस्त्यावरील मुरू बायपासजवळ घडला. एसयूव्ही वेगाने जात असताना चालकाचे वाहनावरील नियंत्रण सुटले आणि वाहन हॉटेलात धडकली.

अपघाताच्या वेळी तरुण इतर दोघांसह हॉटेलात चहा पीत असताना एसयूव्हीने त्याला धडक दिली. धडक एवढी भीषण होती की तरुण आणि त्याच्यासोबत असलेले दोघे जण गंभीर झाले. तर तरुणाचा जागीच मृत्यू झाला. या अपघातात कारमधील बसलेले दोन प्रवासी देखील जखमी झाले. 

पोलिसांनी घटनेचा तपास करून जखमींना रुग्णालयात दाखल केले असून प्राथमिक तपासात अपघाताचे कारण चालकाचा निष्काळजीपणा आणि वाहनाचा वेग जास्त असल्याचे सांगितले जात आहे. चालक मद्यधुंद होता का याचा तपास ही केला जात आहे. पोलिसांनी मृतदेह ताब्यात घेऊन शवविच्छेदनासाठी पाठविले आहे. पोलीस प्रकरणाचा पुढील तपास करत आहे. 

Edited By - Priya Dixit