तसेच नागपूरमधील हिंसाचारानंतर शहरातील परिस्थिती हळूहळू सामान्य होत आहे. परिस्थिती लक्षात घेता प्रशासनाने अनेक भागात संचारबंदी शिथिल केली आहे. तसेच, काही भागांमधून कर्फ्यू पूर्णपणे उठवण्यात आला आहे. नागपूर शहरातील नंदनवन आणि कपिल नगर भागातून संचारबंदी उठवण्यात आल्याचे प्रशासनाने सांगितले. त्याच वेळी, लकडगंज, पाचपावली, शांतीनगर, सक्करदरा, इमामवाडा आणि यशोधरानगर भागात दुपारी २ ते ४ वाजेपर्यंत कर्फ्यू शिथिल करण्यात आला आहे. या काळात नागरिक जीवनावश्यक वस्तू खरेदी करू शकतात. तसेच, पुढील आदेश येईपर्यंत कोतवाली, गणेशपेठ आणि तहसील पोलिस स्टेशन हद्दीत पूर्वीप्रमाणेच कर्फ्यू लागू राहील. नागपूरचे पोलिस आयुक्त म्हणाले की, कपिलवन आणि नंदनगड पोलिस ठाण्यांमधून संचारबंदी उठवण्यात आली आहे.
