पोलिसांनी त्या युवकाकडून त्याचा फोन नंबर घेतला नंतर 29 ऑक्टोबरला महाविद्यालयाच्या गेटजवळ येत हणमंत देवकरने त्या युवकाला फोन करुन भेटायला येण्यास सांगितले. सकाळी सव्वा अकरा वाजताच्या सुमारास संबंधित युवक पोलिसांना भेटला. तेव्हा त्याच्याकडे पैशाची मागणी करत पैसे न दिल्यास प्रेम प्रकरण त्याच्या आणि मैत्रिणीच्या घरी सांगेन अशी धमकी देण्यात आली. त्यावर युवकाने आपल्या मित्रांकडून चार हजार रुपये उसने घेऊन हणमंत देवकर याला दिले.
