प्रहार संघटनेचे अध्यक्ष आणि आमदार बच्चू कडू यांनी पुन्हा एकदा नाराजीचा सूर आळवला आहे. आगामी स्थानिक स्वराज्य संस्थांच्या निवडणुका प्रहार पक्ष एकटा लढणार असल्याची घोषणा कडू यांनी केली आहे. महाराष्ट्र टाइम्सनं ही बातमी दिली आहे.
"शिंदे गट आणि भारतीय जनता पक्षाने त्यांची मर्जी असेल सोबत घेतले तर ठीक, नाहीतर आम्ही स्वतंत्र लढू," असे सांगत बच्चू कडू यांनी पुन्हा एकदा नाराजीचा सूर आळवला आहे.
बच्चू कडू हे उस्मानाबाद जिल्ह्यात कोर्टातील एका प्रकरणातील सुनावणीसाठी आले असता त्यांनी हे वक्तव्य केले आहे.
"दिवाळीनंतर मंत्रिमंडळाचा विस्तार होईल हे सांगणे कठीण आहे. मंत्रिमंडळात वर्णी लागेल का हे पण सांगणे कठीण आहे. पण मंत्रिमंडळ विस्तार होईल असा मला विश्वास आहे. जर नाही झाले तर तरी बच्चू कडू बच्चू कडूच आहे," असे वक्तव्य बच्चू कडू यांनी केले आहे.