उमरेड येथील एमआयडीसी परिसरातील एमएमपी कंपनी या अॅल्युमिनियम पावडर उत्पादन कंपनीत शुक्रवारी संध्याकाळी 6:15 वाजता स्फोट झाल्यानंतर भीषण आग लागली. या घटनेत 8 कामगार गंभीर जखमी झाले, त्यापैकी 2 गंभीर जखमी कामगारांना उमरेड उपजिल्हा रुग्णालयात दाखल करण्यात आले. तर उर्वरित 6 जखमींना उपचारासाठी नागपूरच्या शासकीय वैद्यकीय महाविद्यालयात हलवण्यात आले आहे. 25 हून अधिक कामगार बराच वेळ आत अडकले होते.
सूत्रांनी दिलेल्या माहितीनुसार, कामगार नेहमीप्रमाणे कारखान्यात काम करत होते, तेव्हा अचानक तापमान वाढले आणि बॉयलरमध्ये स्फोट झाला. या स्फोटामुळे घबराटीचे वातावरण निर्माण झाले.
उमरेड येथील अॅल्युमिनियम फॉइल कारखान्यात झालेल्या स्फोटात 5 जणांचा मृत्यू झाला, 2 जणांचा रुग्णालयात उपचारादरम्यान मृत्यू झाला, तर 3 बेपत्ता लोकांच्या मृत्यूची पुष्टी झाली आहे. ही माहिती नागपूर ग्रामीणचे एसपी हर्ष पोद्दार यांनी दिली आहे.
मिळालेल्या माहितीनुसार, या कंपनीचा मालक भंडारा येथील रहिवासी ललित भंडारी नावाचा व्यक्ती आहे. धुरखेडा ग्रामपंचायत क्षेत्रात असलेली ही कंपनी सुमारे दहा एकर क्षेत्रात पसरलेली आहे. स्फोटाचे कारण अद्याप कळलेले नाही.
