काँग्रेसचे माजी नेते आचार्य प्रमोद कृष्णम पक्ष सोडल्यापासून काँग्रेसला आणि राहुल गांधी यांचावर हल्लाबोल करत आहे. त्यांनी पुन्हा एकदा काँग्रेसचे राहुल गांधी आणि शिवसेना यूबीटीचे नेते संजय राऊतांवर हल्ला बोल केला.संजय राऊत आणि राहुल गांधी भारताला तोडून दुसरं पाकिस्तान निर्माण करू इच्छित असल्याचा आरोप कृष्णम यांनी केला आहे.
राहुल गांधी आणि संजय राऊतांवर हल्ला करत त्यांनी पाकिस्तानचे संस्थापक मोहम्मद अली जिन्ना यांचाही उल्लेख केला.ते म्हणाले, जिन्ना यांनी 1947 मध्ये भारत तोडण्याचे स्वप्न पहिले होते. आता संजय राऊत राहुल गांधी यांच्यसह तेच स्वप्न पाहत आहे.
आचार्य प्रमोद कृष्णम म्हणाले, संजय राऊत राहुल गांधींसोबत हा देश तोडण्याचा कट रचत आहे. कारण त्यांना माहित आहे की , भारतातील लोकांना त्यांचे हेतू समजले आहे. आणि त्यांना कधीही पाठिंबा मिळणार नाही. म्हणूनच त्यांना दुसरे पाकिस्तान बनवायचे आहे. ते राहुल गांधी यांना दुसऱ्या पाकिस्तानचे पंतप्रधान बनवायची इच्छा आहे. असा मोठा आरोप केला.
