मोनार्क युनिव्हर्सल ग्रुपच्या प्रकल्पांची जाहिरात करणाऱ्या बॉलिवूड अभिनेत्रींच्या जाहिराती पाहिल्यानंतर अनेक गुंतवणूकदारांनी त्यांच्या तक्रारींमध्ये नमूद केले आहे की त्यांनी कंपनीच्या प्रकल्पांमध्ये गुंतवणूक केली आहे. बांधकाम व्यावसायिक गोपाल अमरलाल ठाकूर यांनी गुंतवणूकदारांकडून जमा केलेली मोठी रक्कम त्याच्या विविध संलग्न कंपन्यांना हस्तांतरित केल्याचे ईडीच्या तपासात समोर आले आहे.
ईडीच्या म्हणण्यानुसार, मोनार्क ग्रुप आणि त्याच्या संचालकांनी एकच फ्लॅट अनेक जणांना विकला आणि ग्राहकांच्या माहितीशिवाय आधीच विकलेले फ्लॅट गहाण ठेऊन NBFC कडून कर्ज घेतले. या प्रकरणात गोपाल अमरलाल ठाकूरला जुलै 2021 मध्ये अटक केली. ते सध्या न्यायालयीन कोठडीत आहे. या प्रकरणी ऑगस्ट 2021 मध्ये गुन्हा दाखल करण्यात आला असून प्रकरणाचा पुढील तपास सुरु आहे.
