मुघल सम्राट औरंगजेबाच्या थडग्याविरुद्धच्या निदर्शनांच्या पार्श्वभूमीवर आणि आगामी उत्सवांमध्ये कायदा आणि सुव्यवस्था राखण्यासाठी महाराष्ट्रातील छत्रपती संभाजीनगर शहरात प्रतिबंधात्मक आदेश लागू करण्यात आले आहेत. या प्रकरणी पोलिस आयुक्त प्रवीण पवार यांनी आज 25 मार्चपासून8 एप्रिलपर्यंत प्रतिबंधात्मक आदेश लागू केले आहेत.
छत्रपती संभाजीनगर जिल्ह्यातील खुलदाबाद येथे असलेले मुघल सम्राट औरंगजेबाचे थडगे हटवण्याची मागणी अनेक उजव्या विचारसरणीच्या संघटना करत आहेत. पोलिस आदेशानुसार, छत्रपती संभाजी महाराजांची पुण्यतिथी (29 मार्च), गुढी पाडवा सण (30 मार्च), ईद, झुलेलाल जयंती (31 मार्च) आणि राम नवमी (6 एप्रिल) यासारख्या आगामी कार्यक्रमांचा उल्लेख करण्यात आला आहे.
कायदा आणि सुव्यवस्था राखण्यासाठी, महाराष्ट्र पोलीस कायदा, १९५१ च्या कलम ३७ (१) (३) अंतर्गत छत्रपती संभाजीनगर शहरात प्रतिबंधात्मक आदेश लागू करण्यात आले आहेत. या आदेशानुसार पाच किंवा त्याहून अधिक व्यक्तींना एकत्र येण्यास आणि परवानगीशिवाय कोणताही निषेध किंवा मोर्चा काढण्यास मनाई आहे.
या आदेशात म्हटले आहे की,25 मार्च ते 8एप्रिल या कालावधीत लोकांना कोणत्याही प्रकारची शस्त्रे बाळगण्याची परवानगी राहणार नाही. तसेच, या काळात घोषणाबाजी आणि लाऊड स्पीकर वाजवण्यास परवानगी दिली जाणार नाही.
17 मार्च रोजी छत्रपती संभाजीनगर जिल्ह्यात मुघल सम्राट औरंगजेबाची कबर हटवण्याच्या मागणीसाठी विश्व हिंदू परिषद (VHP) आणि बजरंग दलाच्या नेतृत्वाखाली झालेल्या निदर्शनादरम्यान पवित्र ग्रंथातील श्लोक असलेली पत्रक जाळली जाईल अशी अफवा पसरल्यानंतर हिंसक जमावाने नागपूरच्या अनेक भागात दगडफेक आणि जाळपोळ केली. नागपूर हिंसाचारात तीन पोलिस उपायुक्त (डीसीपी) दर्जाच्या अधिकाऱ्यांसह33 पोलिस जखमी झाले.
