तक्रारदार महिला काम करत असलेल्या ऑफिसच्या इमारतीच्या खाली झेपटो कंपनीचे गोदाम आहे. त्याठिकाणी तक्रारदार व त्यांचे सहकारी इतर महिलांसोबत कामावर येत-जात असताना कंपनीचे मॅनेजर व स्टोअर मॅनेजर हे कंपनीत काम करणाऱ्या डिलीव्हरी बॉय यांना चिथवाणी देत व फुस लावत होते. त्यानुसार तक्रारदार व इतर महिला कामावर येता-जाता डिलिव्हरी बॉय त्यांना नेहमी अश्लील भाषा वापरणे, त्यांचा पाठलाग करणे. तसेच जाणीवपूर्वक महिलांसमोर कपडे बदलत स्त्री मनास लज्जा उत्पन्न होईल असे कृत्य करत होते. डिलिव्हरी बॉईजच्या या कृत्याला कंटाळून अखेर या महिलांनी पोलिसात धाव घेतली. याबाबत पुढील तपास पोलीस उपनिरीक्षक एस कोळळुरे करत आहेत.
