मुंबईहून दोन तरुणांनी आपल्या गावी जाण्याचा निर्णय घेतला पण सहजासहजी असे होणे शक्य नाही म्हणून त्यांनी घराच्या लोकांच्या मदतीने एक नाटक तयार केलं. तरुणांनी रत्नागिरी जिल्ह्यातील राजापूर येथील आपल्या नात्यात असलेल्या महिलेचा मृत्यू झाल्याचे सांगून जाण्याची परवानगी मागितली. ऑन ड्यूटी पोलिसांना शंका आली म्हणून त्यांनी घरी व्हिडिओ कॉल लावला परंतू घरचे देखील नाटकामध्ये सहभागी असल्यामुळे त्यांनीही महिलेचा मृत्यू झाल्याची साक्ष दिली आणि पोलिसांसमोर पांढर्‍या कपड्यात महिलेला गुंडाळलेलं दाखवलं. ही महिलादेखील मरण पावल्याचं नाटक करत होती.
