याआधी महाविकासआघाडीचे सरकार स्थापन झाल्यामुळे सरकार आता नेमक्या कोणत्या तारखेला शिवजयंती साजरी करणार, याकडे सर्वांचे लक्ष होते. शिवसेनेकडून छत्रपती शिवाजी महाराज यांची जयंती तिथीनुसार साजरी करण्यात येते. तर, काँग्रेस-राष्ट्रवादी काँग्रेसकडून तारखेनुसार जयंती साजरी करण्यात येते. विरोधकांनी या मुद्द्यावरून शिवसेनेला घेरण्याचाही प्रयत्न केला होता.
राष्ट्रवादी काँग्रेसचे नेते अमोल मिटकरी यांनी शिवजयंती १९ फेब्रुवारीला साजरी करा, असे ट्विट केले होते. तिथीचा हट्ट सोडा आणि १९ फेब्रुवारी रोजी शिवजयंती साजरी करा. याबाबत मुख्यमंत्र्यांकडे पाठपुरावा करणार असल्याचे त्यांनी म्हटले होते.
