मुंबई विद्यापीठाच्या ३ फेब्रुवारीपासून होणाऱ्या सर्व परीक्षा पुढे ढकलण्यात आल्या आहेत. मुंबई विद्यापीठातील कर्मचारी संघटनांनी आंदोलनाचा इशारा दिल्यानंतर हा निर्णय घेण्यात आला आहे. राज्याचे उच्च व तंत्रशिक्षण मंत्री चंद्रकांत पाटील यांच्या अध्यक्षतेखाली काल या सर्व संघटनांची बैठक झाली. दरम्यान, 2 फेब्रुवारी रोजी विद्यापीठाच्या 10 परीक्षा सुरळीत पार पडल्या आहेत.
या मागणीच्या अनुषंगाने महाराष्ट्र राज्य विद्यापीठ व महाविद्यालयीन कर्मचारी संयुक्त कृती समितीने २ फेब्रुवारीपासून परीक्षा कामकाजावर बहिष्कार टाकून आंदोलन सुरू केले आहे. या आंदोलनामुळे परीक्षेत अडचणी निर्माण झाल्यामुळे मुंबई विद्यापीठाने हा निर्णय घेतला आहे. विद्यापीठातर्फे ३ फेब्रुवारीपासून घेण्यात येणाऱ्या परीक्षा स्थगित करण्यात आल्याची अधिसूचना जाहीर करण्यात आली आहे. पुढे ढकलण्यात आलेल्या परीक्षांचे सुधारित वेळापत्रक विद्यापीठाच्या अधिकृत संकेतस्थळावर प्रसिद्ध केले जाईल.
