India Tour of England: टीम इंडिया इंग्लंड दौऱ्यावर दोन सराव सामने खेळणार, वेळापत्रक जाहीर, जाणून घ्या
भारतीय संघाला जुलैमध्ये इंग्लंड दौऱ्यावर जायचे आहे. या दौऱ्यात टीम इंडिया एक टेस्ट, तीन टी-20 आणि तीन वनडे खेळणार आहे. भारतीय संघ 2021 मधील मालिकेतील पुनर्निर्धारित सामना खेळणार आहे. 2021 मध्ये पाच सामन्यांच्या कसोटी मालिकेतील एक सामना कोरोनामुळे पुढे ढकलण्यात आला होता. या मालिकेत भारत 2-1 ने पुढे आहे.
मीडिया रिपोर्ट्सनुसार, दोन्ही सराव सामन्यांच्या तारखा भारतीय संघाच्या कसोटी सामन्याशी जुळत आहेत. या दौऱ्यातील एकमेव कसोटी 1 ते 5 जुलै दरम्यान एजबॅस्टन येथे खेळवली जाणार आहे. गेल्या वर्षी हीच कसोटी मँचेस्टरमध्ये होणार होती, जी भारतीय संघातील काही कर्मचारी कोरोना पॉझिटिव्ह आल्यानंतर पुढे ढकलण्यात आली होती.
7 जुलैपासून टी-20 मालिकेला सुरुवात होणार आहे. पहिला सामना साउथॅम्प्टन येथे होणार आहे. त्याच वेळी, पुढील दोन सामने 9 जुलै रोजी बर्मिंगहॅम आणि 10 जुलै रोजी नॉटिंगहॅममध्ये खेळले जातील. 12 जुलैपासून एकदिवसीय मालिका सुरू होणार आहे. पहिला सामना लंडनच्या केनिंग्टन ओव्हलवर होणार आहे. दुसरा सामना 14 जुलैला लॉर्ड्सवर आणि तिसरा सामना 17 जुलैला मँचेस्टर येथे खेळवला जाईल.
