IND vs PAK : पावसामुळे भारत-पाकिस्तान सामना रद्द, बाबर आझमचा संघ सुपर-4 मध्ये
शनिवार, 2 सप्टेंबर 2023 (22:25 IST)
India vs Pakistan Asia Cup 2023: भारत आणि पाकिस्तान यांच्यातील शनिवारी (2 सप्टेंबर) आशिया चषकातील तिसरा सामना अनिर्णित राहिला. कॅंडी येथील पल्लेकेले आंतरराष्ट्रीय क्रिकेट स्टेडियमवर भारताचा कर्णधार रोहित शर्माने नाणेफेक जिंकून फलंदाजीचा निर्णय घेतला. टीम इंडिया 50 ओव्हर्सही खेळू शकली नाही. ती 48.5 षटकांत 266 धावांवर बाद झाली. यानंतर पावसामुळे पाकिस्तानचा डाव सुरू होऊ शकला नाही. बराच वेळ वाट पाहिल्यानंतर पंचांनी दोन्ही कर्णधारांशी बोलून सामना रद्द झाल्याचे घोषित केले.
भारत आणि पाकिस्तान यांच्यातील सामना रद्द करण्यात आला. सामना रद्द झाल्यामुळे दोन्ही संघांना प्रत्येकी एक गुण मिळाला. अशा प्रकारे पाकिस्तानचे दोन सामन्यांत तीन गुण झाले. त्याने पहिल्या सामन्यात नेपाळचा पराभव केला होता. दुसरीकडे भारताच्या खात्यात एका सामन्यातून एक गुण जमा झाला आहे. आता सुपर-4 मध्ये पोहोचण्यासाठी त्याला 4 सप्टेंबरला होणाऱ्या सामन्यात नेपाळला पराभूत करावे लागेल. सुपर-4 मध्ये पोहोचणारा पाकिस्तान हा पहिला संघ आहे.
भारतीय कर्णधार रोहित शर्माने नाणेफेक जिंकून फलंदाजीचा निर्णय घेतला. टीम इंडिया 50 ओव्हर्सही खेळू शकली नाही. ती 48.5 षटकांत 266 धावांवर बाद झाली. यानंतर पावसामुळे पाकिस्तानचा डाव सुरू होऊ शकला नाही. बराच वेळ वाट पाहिल्यानंतर पंचांनी दोन्ही कर्णधारांशी बोलून सामना रद्द झाल्याचे घोषित केले.
भारताच्या फलंदाजीनंतर पाकिस्तान संघाला धावांचा पाठलाग करण्यासाठी उतरावे लागले, मात्र तसे झाले नाही. अधूनमधून पाऊस पडत होता आणि पंचांनीही अनेकदा पाहणी केली. किमान 20 षटकांचा सामना होईल, अशी चाहत्यांची अपेक्षा होती. पावसाने आशा पल्लवित केल्या. संततधार पाऊस पाहता पंचांनी दोन्ही कर्णधारांशी संवाद साधला. त्यानंतर सामना रद्द करण्याचे मान्य करण्यात आले.
भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला. पाकिस्तानी गोलंदाजांनी हवामान आणि खेळपट्टीचा फायदा घेत धुमाकूळ घातल्याने त्याचा निर्णय चुकीचा ठरला. भारताचे चार फलंदाज 14.1 षटकांत 66 धावांत पॅव्हेलियनमध्ये परतले. शाहीन आफ्रिदीने रोहित शर्मा आणि विराट कोहलीला बाद केले तर हरिसने श्रेयस अय्यर आणि शुभमन गिलला आपला बळी बनवले. रोहित 11, विराट चार, श्रेयस 14 आणि शुभमन 10 धावा करून बाद झाले.
यापूर्वी इशान किशन आणि हार्दिक पांड्याने भारतीय चाहत्यांची मने जिंकली होती. टीम इंडियासाठी हार्दिकने सर्वाधिक धावा केल्या. त्याने 87 धावांची खेळी खेळली. इशानने पाकिस्तानविरुद्धच्या पहिल्या आंतरराष्ट्रीय सामन्यात 82 धावा केल्या होत्या. या दोघांशिवाय एकाही भारतीय फलंदाजाला 20 धावांचा आकडाही गाठता आला नाही. हार्दिक आणि इशाननंतरही बुमराह तिसरा सर्वाधिक धावा करणारा फलंदाज होता. त्याने शेवटच्या षटकात 16 धावा देत भारताला 266 धावांपर्यंत नेले. पाकिस्तानकडून शाहीन आफ्रिदीने 10 षटकात 35 धावा देत 4 बळी घेतले. नसीम शाह आणि हरिस रौफ यांना प्रत्येकी तीन यश मिळाले.
