तसेच चालू हंगामात दिल्लीचा हा पहिलाच पराभव आहे. दिल्ली कॅपिटल्सचा १२ धावांनी पराभव करून मुंबई इंडियन्सने विजयी ट्रॅकवर पुनरागमन केले आहे. रविवारी अरुण जेटली स्टेडियमवर खेळल्या गेलेल्या या सामन्यात, मुंबईने नाणेफेक गमावून प्रथम फलंदाजी करताना तिलक वर्माच्या अर्धशतकी खेळीच्या जोरावर २० षटकांत पाच गडी गमावून २०५ धावा केल्या. प्रत्युत्तरात, दिल्लीचा संघ १९ व्या षटकात १९३ धावांवर बाद झाला. १९ व्या षटकातील शेवटच्या तीन चेंडूंवर त्यांचे तीन फलंदाज धावबाद झाले. आयपीएलमध्ये एकाच षटकात तीन धावबाद होण्याची ही दुसरी वेळ आहे. दिल्ली वरच्या स्थानावरून घसरली. चालू हंगामात दिल्लीचा हा पहिलाच पराभव आहे. आतापर्यंत खेळलेल्या पाच सामन्यांमध्ये दिल्लीने चार जिंकले आहे आणि एक पराभव पत्करला आहे. यासह, अक्षर पटेलचा संघ पॉइंट्स टेबलमध्ये दुसऱ्या स्थानावर घसरला. दुसरीकडे, मुंबईने सहा सामन्यांमधील दुसऱ्या विजयासह सातव्या स्थानावर झेप घेतली.
