बहुतेक लोकांनी डिजिटल पेमेंटचा वापर सुरू केला आहे. यामुळे आपल्याला रोख रक्कम ठेवण्याच्या त्रासातून मुक्तता मिळते, परंतु आज अनेक बँकांचे सर्व्हर डाउन असल्याने UPI पेमेंटमध्ये समस्या निर्माण झाली. तसेच सोशल मीडियावर अनेकांनी याबद्दल संताप व्यक्त केला.
देशातील अनेक ठिकाणी UPI सेवा बंद पडली आहे, ज्यामुळे लोकांना डिजिटल पेमेंट करण्यात अडचणी येत आहे. अनेक वापरकर्त्यांनी तक्रार केली आहे की त्यांचे UPI पेमेंट अयशस्वी होत आहे किंवा खूप उशिरा प्रक्रिया केली जात आहे. अनेक बँकांच्या ग्राहकांना UPI द्वारे पैसे पाठवण्यात आणि प्राप्त करण्यात अडचणी येत आहे. यूपीआय व्यवहारांशी संबंधित समस्यांबद्दल वापरकर्ते इंटरनेटवर त्यांच्या तक्रारी आणि संताप व्यक्त करत आहे. अनेक व्यापाऱ्यांनी सांगितले की, ग्राहक UPI द्वारे पेमेंट करू शकत नाहीत, त्यामुळे व्यवहारांवरही परिणाम होत आहे. ऑनलाइन शॉपिंग आणि अ‍ॅप्सवर पेमेंट फेल झाल्याच्या तक्रारी देखील आल्या आहे. काही वापरकर्त्यांनी तक्रार केली आहे की त्यांचे फोनपे, गुगल पे आणि पेटीएम सारखे अॅप्स योग्यरित्या काम करत नाहीत.
