Stock Market BSE Sensex NSE Nifty Update: लोकसभा निवडणुकीचे निकाल येऊ लागले आहेत. जिथे NDA सुरवातीला खूप मागे आहे. यासोबतच शेअर बाजारातही मोठी घसरण पाहायला मिळाली आहे. आज बाजार उघडताच सेन्सेक्स 2000 अंकांनी तर निफ्ट सुमारे 600 अंकांनी घसरला. सध्या सेन्सेक्स 74,000 वर आहे. तर NIFT सध्या 22600 च्या आसपास आहे.
PSU बँक निर्देशांक घसरला
ताज्या अपडेटनुसार NSE च्या सर्व क्षेत्रीय निर्देशांकांमध्ये मोठी घसरण दिसून येत आहे. निफ्टीच्या PSU बँक निर्देशांकात 7 टक्क्यांहून अधिक घसरण झाली आहे. याशिवाय फायनान्शियल सर्व्हिसेसमध्ये 4% पेक्षा जास्त आणि मेटलमध्ये 5% पेक्षा जास्त घसरण नोंदवली गेली आहे. रियल्टी आणि खाजगी बँक निर्देशांक देखील 3% पेक्षा जास्त घसरला आहे.
एफआयआयने कोटींचे शेअर्स खरेदी केले
दुसरीकडे, विदेशी संस्थात्मक गुंतवणूकदार म्हणजे FII आणि देशांतर्गत संस्थात्मक गुंतवणूकदार खरेदी करत आहेत. NSE ने शेअर केलेल्या आकडेवारीनुसार, 3 जून 2024 रोजी FII ने 6850.76 कोटी रुपयांचे शेअर्स खरेदी केले. याशिवाय DII ने 1913.98 कोटी रुपयांचे शेअर्स खरेदी केले आहेत.
सोमवारी बाजाराने सार्वकालिक उच्चांक गाठला
सोमवारी तर एक्झिट पोलच्या निकालाने बाजार उंचावल्याचा भास झाला. एक दिवस आधी 3 जून रोजी सेन्सेक्स 2,777 अंकांच्या वाढीसह 76,738 वर पोहोचला होता आणि निफ्टी 808 अंकांच्या वाढीसह 23,338 वर पोहोचला होता.
