गृहनिर्माण कर्ज कंपनी एचडीएफसी लिमिटेडनेही कर्जावरील व्याजदरात वाढ केली आहे. एचडीएफसी लिमिटेडने त्यांच्या मानक कर्जदरात 0.30 टक्क्यांनी वाढ केली आहे. यामुळे बँकेच्या विद्यमान आणि नवीन दोन्ही ग्राहकांसाठी कर्ज महाग होईल. HDFC लिमिटेडने दिलेल्या माहितीनुसार, ही वाढ 9 मे पासून लागू होणार आहे.
याआधी, ICICI बँक, बँक ऑफ बडोदा आणि बँक ऑफ इंडियासह इतर अनेक कर्ज देणाऱ्या संस्थांनीही व्याजदर वाढवले आहेत. रिझर्व्ह बँकेने रेपो दरात 0.40 टक्क्यांनी वाढ केली आहे. त्यानंतर बँकांकडून सातत्याने हा निर्णय घेतला जात आहे.
