दक्षिण कोरियामध्ये मुसळधार पावसामुळे आलेल्या पुरामुळे 22 जणांचा मृत्यू झाला असून 14 जण बेपत्ता आहेत. मीडिया रिपोर्ट्सनुसार, पुरामुळे हजारो लोकांना घरे रिकामी करावी लागली आहेत. सध्या सरकारी यंत्रणा पुरामुळे झालेल्या नुकसानीचे मूल्यांकन करत आहेत. अशा परिस्थितीत मृतांचा आकडा वाढू शकतो.
ओसॉन्ग शहरातील भुयारी मार्गात 19 वाहने बुडाली आहेत. बहुतेक मृत्यू उत्तर ग्योंगसांगमध्ये झाले आहेत, जेथे भूस्खलन आणि घरे कोसळल्यामुळे 16 जणांना प्राण गमवावे लागले आहेत, मीडियाने सेंट्रल डिझास्टर एजन्सीचा हवाला देऊन वृत्त दिले आहे. यानंतर दक्षिण चुंगचेंग प्रांतात चार जणांचा मृत्यू झाल्याची माहिती समोर आली आहे.
पुरामुळे बेपत्ता झालेल्यांचा शोध सुरू आहे. अशा मृतांची संख्या वाढण्याची शक्यता आहे. तसेच, सरकारी संस्था देशभरात झालेल्या नुकसानीचे मूल्यांकन करत आहेत. तसेच शुक्रवारी दक्षिण चुंगचेंग प्रांतातील नॉनसान भागात भूस्खलनामुळे इमारत कोसळून दोघांचा मृत्यू झाला.
अचानक आलेल्या पुरानंतर शहरातील रस्ते पाण्याखाली गेल्याचे अग्निशमन दलाच्या अधिकाऱ्यांनी सांगितले. पुरात 19 वाहने बुडाल्याचे अधिकाऱ्यांनी सांगितले. मात्र, कारमध्ये किती जण होते, याची माहिती अद्याप मिळालेली नाही.
