पंतप्रधान नरेंद्र मोदी यांनी आज G20 परिषदेच्या निमित्ताने अमेरिकेचे अध्यक्ष जो बिडेन यांच्यासह अनेक जागतिक नेत्यांशी चर्चा केली. पीएमओ इंडियाने ट्विट केलेल्या फोटोंच्या मालिकेत पंतप्रधान मोदी अमेरिकेचे अध्यक्ष जो बिडेन, फ्रान्सचे अध्यक्ष इमॅन्युएल मॅक्रॉन, यूकेचे पंतप्रधान बोरिस जॉन्सन आणि कॅनडाचे पंतप्रधान जस्टिन ट्रूडो यांना भेटताना दिसत आहेत.
तत्पूर्वी, पंतप्रधान मोदींनी व्हॅटिकन सिटी येथे पोप फ्रान्सिस यांची भेट घेतली. पंतप्रधान नरेंद्र मोदी यांनी शनिवारी पोप फ्रान्सिस यांच्यासोबत भेट घेतली आणि त्यांनी कॅथोलिक चर्चच्या प्रमुखांशी विविध मुद्द्यांवर चर्चा केली.
याआधी, पोपसोबत भारतीय पंतप्रधानांची शेवटची भेट 1999 मध्ये झाली होती, जेव्हा अटलबिहारी वाजपेयी पंतप्रधान होते आणि पोप जॉन पॉल II भारत भेटीवर आले होते.