Agilitywithcare या हॅशटॅगसह टाटा स्टील कंपनीने भूमिका मांडली.
कोरोना संकटात जीव गमावलेल्या टा स्टीलच्या कर्मचाऱ्याच्या मृत्यूनंतर 60 वर्षं म्हणजे सेवा पूर्ण होईपर्यंत कुटुंबाला संपूर्ण वेतन दिलं जाणार आहे. याबरोबरच संबंधित कुटुंबीयांना वैद्यकीय आणि राहण्याच्या सोयीसुविधा उपलब्ध होतील.
सोशल मीडियावर टाटा स्टीलच्या या भूमिकेचं कौतुक होत आहे.
टाटा स्टीलने अतिशय कौतुकास्पद असं पाऊल उचललं आहे. समाजाप्रती असलेलं आपलं देणं निभावणं तुम्ही चांगलंच जाणता. असंच चांगलं काम सुरू ठेवा, असं सय्यद शकील अली यांनी म्हटलं आहे.
ही टाटांची कार्यपद्धती आहे. टाटा हा उद्योगसमूह नाही, ती एक संस्कृती आहे, असं अमित शांडिल्य यांनी लिहिलं आहे.
