दोन वेळा गतविजेता कार्लोस अल्काराजला विम्बल्डनच्या पहिल्या फेरीत 38 वर्षीय फॅबियो फोग्निनीचा पराभव करण्यासाठी खूप संघर्ष करावा लागला आणि सामना पाच सेटपर्यंत चालला. स्पेनच्या 22वर्षीय अल्काराजने अखेर साडेचार तास चाललेल्या या सामन्यात 7-5, 6-7 (5), 7-5, 2-6, 6-1असा विजय मिळवला.
विजयानंतर तो म्हणाला, "मला समजत नाही की हा त्याचा शेवटचा विम्बल्डन का आहे. तो ज्या पद्धतीने खेळत होता, त्यावरून मला वाटले की तो आणखी तीन किंवा चार वर्षे खेळू शकेल."
फोग्निनी विम्बल्डनमध्ये 15 वेळा खेळला आहे पण तो तिसऱ्या फेरीच्या पुढे कधीही जाऊ शकला नाही. या वर्षी त्याने सहा ग्रँड स्लॅम सामने खेळले आणि ते सर्व गमावले