नागपूरमध्ये कोरोनाच्या संसर्गाची दाहकता कायम असून बुधवारीदेखील पॉझिटिव्ह रुग्णांची संख्या सात हजारांहून वर गेली. मात्र, अनेक दिवसांनी नव्या बाधितांपेक्षा ठीक होणाऱ्यांची संख्या जास्त होती. जिल्ह्यातील तब्बल ७ हजार २६६ रुग्ण कोरोनामुक्त झाले.
अहवालानुसार नागपूर जिल्ह्यात एकूण ७ हजार २२९ नवे कोरोना रुग्ण आढळून आले. यात शहरातील ४ हजार ७८७ व ग्रामीणमधील २,४३४ रुग्णांचा समावेश आहे, तर ९८ जणांचा मृत्यू झाला. मृतकांमध्ये ग्रामीणमधील ३८, शहरातील ५२ व जिल्ह्याबाहेरील ८ जणांचा समावेश होता.
