देशामध्ये दिल्ली, लखनऊ, कोलकाता, चेन्नई आणि भुवनेश्वर येथे ललित कला अकादमीची केंद्रे आहेत. महाराष्ट्रामध्ये मात्र कलाकारांची उपेक्षा झाली होती. हे केंद्र राज्यामध्येही उभारले जावे, यासाठी राज्यातील कलाकारांनी विविध पद्धतीने ४० वर्षे आंदोलने केली होती. राज्यातील कलाकारांच्या या संघर्षांला यश मिळाले असून, केंद्रीय सांस्कृतिकमंत्री प्रल्हादसिंह पटेल यांनी पिंपरी-चिंचवड परिसरात हे केंद्र सुरू करण्यास मंजुरी दिली असल्याचे ललित कला अकादमीचे अध्यक्ष आणि ज्येष्ठ चित्रकार उत्तम पाचारणे यांनी सांगितले.
