नवी दिल्ली : पंतप्रधान नरेंद्र मोदी यांनी अयोध्येतील भव्य राम मंदिरात राम लल्लाचा अभिषेक करून परतताच मोठी घोषणा केली आहे. ते म्हणाले की, एक कोटी घरांवर सोलर पॅनल बसवण्यासाठी सरकार मदत करेल. पंतप्रधानांनी 'प्रधानमंत्री सूर्योदय योजना' जाहीर केली.
पंतप्रधान म्हणाले, "अयोध्येहून परतल्यानंतर मी पहिला निर्णय घेतला आहे की आमचे सरकार 1 कोटी घरांवर रूफटॉप सोलर बसवण्याचे लक्ष्य घेऊन "प्रधानमंत्री सूर्योदय योजना" सुरू करणार आहे. यामुळे गरिबांचे आणि मध्यमवर्ग लोकांचे वीज बिल तर कमी होइलच शिवाय भारत ऊर्जा क्षेत्रातही आत्मनिर्भर होईल."