राजस्थानमधील जैसलमेर येथे गुरुवारी सकाळी भारतीय हवाई दलाचे विमान कोसळले. त्यामुळे परिसरात घबराट पसरली आहे. जैसलमेरच्या पिठाळा गावाजवळ हवाई दलाचे टोही विमान कोसळले. माहिती मिळताच जिल्हा प्रशासन तसेच हवाई दलाचे अधिकारी घटनास्थळी पोहोचले.
मिळालेल्या माहितीनुसार, भारतीय हवाई दलाचे एक टोही विमान सकाळी 10 वाजता जैसलमेरमधील पिथाला गावाजवळील एका शेतात कोसळले. मानवरहित विमान कोसळल्याने परिसरात घबराट पसरली. यामुळे कोणतीही जीवित किंवा वित्तहानी झाल्याचे वृत्त नाही. विमान पडल्यानंतर आजूबाजूचे लोकही घटनास्थळी जमा झाले.