चण्याची डाळ जास्त वेळा चोळून धुवू नये.
डाळ शिजवण्यापूर्वी दोन तास भिजत ठेवावी.
कुकरमधून डाळ शिजवताना स्टीलचं भांड वापरा. सरळ कुकरमध्ये पुरण शिजवल्यास काळपट होण्याची शक्यता असते.
डाळ शिजवताना त्यात चमचाभर तुप घालावं. पुरण लवकर शिजतं आणि चिकटत नाही.
आपल्या आवडीप्रमाणे डाळ शिजताना त्यात जराशी हळद घालू शकता याने रंग छान येतो.
डाळीचा कट जास्त पाणी घालून काढू नये याने पुरणाचा स्वाद कमी होतो.
पुरण शिजवताना त्यात उलथने उभे राहिले की पुरण तयार असल्याचे समजावे.
पुरणात किंचित मिरे घातल्याने पुरणाच्या पोळ्या बाधत नाहीत.
पुरण सैल झाले असल्यास पोळी तयार करणे अवघड होतं अशात पुरण थोडे गरम करून घट्ट करुन घ्यावे नंतर गार झाल्यावर पोळी छान होते.
सैल पुरण नॉनस्टीक कढईत घालून मंद आचेवर परतल्याने घट्ट होतं.
पुरण सैल झाल्यास त्या चिमूटभर सोडा घातल्यानेही पुरण घट्ट होतं.
