IND vs AUS: भारत आणि ऑस्ट्रेलिया यांच्यात पाच सामन्यांची कसोटी मालिका खेळली जात आहे. या मालिकेतील तीन सामने खेळले गेले आहेत. त्यानंतर दोन्ही संघांमध्ये ही मालिका 1-1 अशी बरोबरीत आहे. या मालिकेतील चौथा सामना दोन्ही संघांसाठी महत्त्वाचा असणार आहे. हा सामना 26 डिसेंबरपासून मेलबर्नमध्ये खेळवला जाणार आहे. या सामन्यापूर्वी टीम इंडियाच्या संघात मोठा बदल करण्यात आला आहे. बीसीसीआयने ही माहिती दिली आहे.
आता टीम इंडियाला अश्विनच्या बदलीची घोषणा करावी लागली. बीसीसीआयने आर अश्विनच्या जागी तनुष कोटियनचा संघात समावेश केला आहे. तनुष कोटियन हा उजव्या हाताचा फिरकी अष्टपैलू खेळाडू आहे. बॉर्डर-गावस्कर करंडक स्पर्धेच्या चौथ्या सामन्यापूर्वी मुंबईच्या फिरकी गोलंदाजीचा अष्टपैलू खेळाडू ऑस्ट्रेलियाच्या संघात समाविष्ट केला जाईल. कोटियनला प्रथमच टीम इंडियाकडून कॉल आला आहे. मंगळवारी तो ऑस्ट्रेलियाला रवाना होणार आहे. तो सध्या मुंबई संघाकडून विजय हजारे करंडक स्पर्धेत भाग घेत आहे.
कोटियनने प्रथम श्रेणी क्रिकेटमध्ये 33 सामन्यांत 101 बळी घेतले आहेत. त्याने बॅटने 1525 धावाही केल्या आहेत. तो उजव्या हाताने फिरकी गोलंदाजी करणारा अष्टपैलू खेळाडू आहे. याशिवाय तो ऑस्ट्रेलियात खेळल्या गेलेल्या भारत अ सामन्यांचाही भाग होता. त्याचा टीम इंडियाच्या संघात समावेश करण्यामागे हेही एक कारण असू शकते
