तसेच वानखेडे स्टेडियमवर होणारा आयपीएल २०२५ चा ६३ वा सामना दिल्ली कॅपिटल्स आणि मुंबई इंडियन्स यांच्यातील दोन्ही संघांसाठी महत्त्वाचा आहे, परंतु दिल्लीसाठी हा सामना करा किंवा मरो असा आहे. जर दिल्ली कॅपिटल्स आज मुंबईला हरवू शकले नाही, तर या हंगामातील त्यांचा प्रवास इथेच संपेल आणि मुंबई इंडियन्स प्लेऑफमध्ये त्यांचे स्थान निश्चित करेल.
आज, हिटमॅन रोहित शर्माला वानखेडेवर एक मोठा विक्रम आपल्या नावावर करण्याची सुवर्णसंधी असेल. मुंबई इंडियन्सला ५ वेळा चॅम्पियन बनवणाऱ्या रोहित शर्माने आयपीएलमध्ये अनेक संस्मरणीय खेळी खेळल्या आहे. षटकार मारण्याच्या बाबतीत तो नेहमीच सर्वात आक्रमक आणि विश्वासार्ह फलंदाजांपैकी एक मानला जातो. यामुळेच तो आयपीएलमध्ये सर्वाधिक षटकार मारणाऱ्या फलंदाजांमध्ये दुसऱ्या क्रमांकावर आहे. आज दिल्लीविरुद्ध त्याचे लक्ष्य एक मोठा विक्रम असेल.
