आयपीएल 2024 मध्ये शनिवारी राजस्थान रॉयल्सविरुद्ध तीन गडी राखून पराभव स्वीकारल्यानंतर पंजाब किंग्जला आणखी एक मोठा धक्का बसला आहे. संघाचा कर्णधार शिखर धवन खांद्याच्या दुखापतीमुळे किमान सात ते दहा दिवस बाहेर आहे. सात दिवस जरी तो बाहेर राहिला तर संघाच्या पुढील दोन सामन्यांमध्ये तो खेळू शकणार नाही. पंजाबला 18 एप्रिलला मुंबई इंडियन्स आणि 21 एप्रिलला गुजरात टायटन्सविरुद्ध खेळायचे आहे. त्यानंतर संघाचा पुढील सामना 26 एप्रिल रोजी कोलकाता नाईट रायडर्सशी होणार आहे. राजस्थान रॉयल्सकडून झालेल्या पराभवानंतर संघाचे प्रमुख संजय बांगर यांनी याला दुजोरा दिला आहे.
शनिवारी रात्री राजस्थान रॉयल्सविरुद्धच्या सामन्यातही खेळू शकला नाही. सॅम कुरनने त्याच्या अनुपस्थितीत संघाचे नेतृत्व केले. संजय म्हणाले- त्याच्या खांद्याला दुखापत झाली आहे. त्यामुळे तो किमान काही दिवस बाहेर असण्याची शक्यता आहे. अशा संथ विकेट्सवर खेळण्याचा भरपूर अनुभव असलेल्या धवनसारख्या अनुभवी सलामीवीराच्या अनुपस्थितीचा परिणाम संघावर होतो.