राज्यात मंगळवारी ४ हजार १२२ कोरोना रुग्णांना डिस्चार्ज देण्यात आला आहे आत्तापर्यंत एकूण १७ लाख ९४ हजार ८० रुग्ण कोरोनामुक्त झाले आहेत. त्यामुळे राज्यातील रुग्ण बरे होण्याचे प्रमाण अर्थात रिकव्हरी रेट हा ९४. ३ टक्के इतका झाला आहे. राज्यात ३ हजार १०६ नवे करोना रुग्ण आढळले आहेत. तर राज्यात ७५ मृत्यूंची नोंद झाली आहे. राज्यातील मृत्यूदर २.५७ टक्के इतका आहे.महाराष्ट्र शासनाच्या आरोग्य विभागाने ही माहिती दिली आहे.
राज्यातील कोरोना बाधित रुग्णांची एकूण संख्या १९ लाख २ हजार ४५८ इतकी झाली आहे. नोंद झालेल्या ७५ मृत्यूंपैकी ४२ मृत्यू हे मागील ४८ तासांमधले आहेत. तर १६ मृत्यू हे मागील आठवड्यातील आहेत. उर्वरित १७ मृत्यू हे एक आठवड्यापेक्षा कमी कालावधीपूर्वीचे आहेत. हे १७ मृत्यू औरंगाबाद-४, गोंदिया-३, सांगली-३, नागपूर-२, पुणे-२, सोलापूर-१, वर्धा-१ आणि नाशिक-१ असे आहेत. महाराष्ट्र शासनाच्या आरोग्य विभागाने ही माहिती दिली आहे.
