यंदा पॅरिस येथे होणाऱ्या ऑलिम्पिक स्पर्धेत खेळण्याचे भारतीय महिला हॉकी संघाचे स्वप्न भंगले. रांची येथे शुक्रवारी FIH महिला हॉकी ऑलिम्पिक पात्रता स्पर्धेत तिसऱ्या स्थानासाठीच्या प्लेऑफ सामन्यात संघाला जपानविरुद्ध 0-1 ने पराभव पत्करावा लागला. भारतीय महिला हॉकी संघ 2016 नंतर पहिल्यांदाच ऑलिम्पिकसाठी पात्र ठरू शकला नाही. टीम इंडियाला यापूर्वी सेमीफायनलमध्ये जर्मनीविरुद्ध पराभव पत्करावा लागला होता.
उपांत्य फेरीत जर्मनीकडून पराभूत झाल्यानंतर भारतीय संघाला ऑलिम्पिकसाठी पात्र ठरण्याची दुसरी संधी मिळाली, पण त्याचे भांडवल करण्यात संघाला यश आले नाही. गेल्या वेळी टोकियो ऑलिम्पिकमध्ये संघाने चमकदार कामगिरी केली होती. तिने उपांत्य फेरीपर्यंत मजल मारली, पण पदक जिंकण्यापासून ती हुकली. संघ चौथ्या क्रमांकावर राहिला.
