Russia Ukraine War: रशियाने युक्रेनच्या बंदरांवर हल्ला केला. रशियन हल्ल्याचा अमेरिकेने निषेध केला आहे. त्यांनी ते अस्वीकार्य म्हटले. अमेरिकेने मॉस्कोला ताबडतोब ब्लॅक सी ग्रेन इनिशिएटिव्हकडे परत येण्यास सांगितले आहे. अमेरिकेच्या परराष्ट्र विभागाने म्हटले आहे की, रशियाचे अध्यक्ष जागतिक अन्न सुरक्षेची काळजी घेत नाहीत. रशियाच्या या हल्ल्यामुळे जागतिक अन्न संकट वाढणार आहे.
अमेरिकेचे उप प्रेस सचिव वेदांत पटेल यांनी सांगितले की, रशियाने ओडेसा, रेनी आणि इझमेलमधील युक्रेनियन बंदरांच्या पायाभूत सुविधांवर हल्ला केला आहे. मॉस्को जगभरातील गरजू देशांमध्ये धान्य पोहोचण्यापासून रोखत आहे. हे अस्वीकार्य आहे. पटेल म्हणाले की, पुतीन यांना जागतिक अन्नसुरक्षेची काळजी नाही. क्रेमलिनचा युक्रेनियन शेतकरी आणि जगभरातील गरजू देशांवर नकारात्मक प्रभाव पडतो. रशियन हल्ल्यामुळे बरेच धान्य नष्ट झाले आहे.
मॉस्कोचा दावा – रशियन सीमेत घुसण्याच्या प्रयत्नात चार युक्रेनियन सैनिक ठार झाले आहे. हे सैनिक उत्तर युक्रेनमधून रशियन सीमा ओलांडण्याचा प्रयत्न करत होते. रशियाचे प्रादेशिक गव्हर्नर अलेक्झांडर बोगोमाझ यांनी सांगितले की, विध्वंसात सहभागी असलेल्या लढवय्यांचा नायनाट करण्यात आला आहे.
