दरम्यान संततधार पाऊस सुरु असतांनाच रस्त्यावर दाट धुक्यामुळे ही दुर्घटना झाली असावी असा अंदाज व्यक्त करण्यात येत आहे. या अपघातात गणेश डंबाळे (२४), सोमनाथ पवार (४२), अश्विन पवार (१४) हे तिघेजण जागीच ठार झाले. अश्विन हा अलंगुण येथील आश्रम शाळेत शिकत होता. त्याची तब्येत बिघडली असल्याने उपचारासाठी त्यास आणण्यासाठी गेले होते. दरम्यान अपघातानंतर टेम्पो चालक फरार असून पोलिस त्याचा शोध घेत आहेत. सुरगाणा पोलिस ठाण्यात अकस्मात मृत्यूची नोंद करण्यात आली आहे.
