मिळालेल्या माहितीनुसार अलाहाबाद उच्च न्यायालयाने कठोरता दाखवली तेव्हा ही बाब उघड झाली. पोलिसांनी संबंधित आरोपींना ताब्यात घेऊन त्यांची कसून चौकशी केली असता, या घटनेचा खळबळजनक खुलासा झाला. पोलिसांनी दिलेल्या माहितीनुसार, प्रियकराने 15जून 2024रोजी 15वर्षीय तरुणीला आमिष दाखवून तिचे अपहरण केले होते. त्यानंतर 19 जून 2024 रोजी तिची हत्या करून मृतदेह महाराष्ट्रातील पाल गाव परिसरातील डोंगरात फेकून दिला होता.
आता कौशांबी पोलीस आरोपी प्रियकराच्या शोधात महाराष्ट्रात रवाना झाले आहे. पिपरी पोलीस ठाण्याच्या हद्दीतील बरेठी गावात ही घटना घडली. पिपरी पोलीस ठाण्याच्या हद्दीतील बरेठी गावात राहणारे फूलचंद्र यांनी 15जून रोजी पोलीस ठाण्यात तक्रार दाखल केली होती की, त्याच गावातील मिथलेश याच्या सांगण्यावरून त्यांच्या अल्पवयीन मुलीचे मित्र मिथुनने अपहरण केले होते. 19 जून रोजी पोलिसांनी अपहरणाचा गुन्हा दाखल करून आरोपींचा शोध सुरू केला, पण आरोपी सापडले नाही व अल्पवयीन मुलगीही सापडली नाही.
न्यायालयाने पोलिसांना फटकारले-
पोलिसांनी योग्य कारवाई न केल्यामुळे निराश झालेल्या पीडितेच्या वडिलांनी 2 महिन्यांनी अलाहाबाद उच्च न्यायालयाची मदत घेतला. या प्रकरणी उच्च न्यायालयाने कठोरता दाखवत पोलिसांना फटकारले आणि 15 दिवसांत अल्पवयीन मुलीला ताब्यात घेण्याचे आदेश दिले. उच्च न्यायालयाने फटकारल्यानंतर पिपरी पोलिसांनी कारवाई करत नामांकित आरोपींना ताब्यात घेऊन त्यांची कसून चौकशी केली. त्यानंतर आरोपींनी गुन्ह्याची कबुली देताना खळबळजनक खुलासा केला.
मिळालेल्या माहितीनुसार प्रियकराने 19 जून 2024 रोजी पाल गावातील डोंगरावर मुलीची गळा आवळून हत्या केली होती. खून करून तो फरार झाला होता. पाल गावातील शिवाजी नगर पोलिसांनी मुलीचा मृतदेह डोंगरातून बाहेर काढला होता. यानंतर पोलिसांनी अज्ञात व्यक्तीविरुद्ध पोलीस ठाण्यात गुन्हा दाखल केला होता. आता महाराष्ट्र पोलिसांच्या मदतीने ही घटना उघडकीस आणून मुख्य आरोपीचा शोध घेतला जात आहे.
