असे सांगितले जात आहे की, 18 वर्षीय पीडितेची आई तिला अनाथाश्रमात भेटण्यासाठी आली होती. तसेच मार्च महिन्यात आईने आपल्या मोठ्या मुलीला वडिलांच्या घृणास्पद कृत्याबद्दल सांगितले. त्यानंतर आईने मोठ्या मुलीला सांगितले की, तिचे वडील तिच्या लहान बहिणीवर लैंगिक अत्याचार करतात. त्यानंतर मोठ्या मुलीनेही आपल्या आईला आपला त्रास सांगितला आणि आरोपी वडिलांनी तिच्यासोबत असेच घाणेरडे कृत्य केल्याचे सांगितले.
पोलिसात दिलेल्या तक्रारीनुसार, मोठ्या मुलीवर 2011 पासून तिच्याच वडिलांकडून लैंगिक अत्याचार होत होता, जेव्हा ती फक्त 5 वर्षांची होती. याबाबत कोणाला सांगितल्यास जीवे मारण्याची धमकी आरोपी वडिलांनी दिली होती. त्यामुळे तिने अनेक वर्षे हा छळ सहन केला. अखेर 18वर्षीय पीडितेने बाल कल्याण समितीकडे तक्रार केली आणि त्यानंतर हे प्रकरण वर्सोवा पोलिसांपर्यंत पोहोचले.
