मुंबई- नागपूर हिट अँड रन प्रकरणी आता शिवसेना UBT आणि काँग्रेसमध्ये शाब्दिक युद्ध सुरू झाले आहे. तसेच भाजपचे प्रदेशाध्यक्ष चंद्रशेखर बावनकुळे यांचा मुलगा संकेत बावनकुळे हा अपघाताच्या वेळी गाडी चालवत नव्हता, असे काँग्रेसचे स्थानिक आमदार विकास ठाकरे यांनी सांगितले आहे. तर शिवसेना (यूबीटी) नेत्या सुषमा अंधारे यांनी काँग्रेस आरोपींना संरक्षण देत असल्याचा आरोप केला आहे.
विकास ठाकरे आरोपींना संरक्षण देत आहे-
मिळालेल्या माहितीनुसार सुषमा अंधारे यांनी बुधवारी सकाळी नागपुरातील सीताबर्डी पोलिस ठाणे गाठले. तसेच पोलिसांच्या कारवाईवर प्रश्न उपस्थित करण्यास सुरुवात केली. अपघातानंतर कारचा क्रमांक एफआयआरमध्ये का नोंदवला गेला नाही, अशी विचारणा त्यांनी तेथील पोलिस अधिकाऱ्यांना केली. यासोबतच काँग्रेसचे स्थानिक आमदार विकास ठाकरे आरोपींना संरक्षण देत असल्याचा आरोपही त्यांनी केला आहे.
