गंभीर स्वरूपाचे 32 गुन्हे दाखल असलेल्या सराईत गुन्हेगार सागर अण्णासाहेब भांड (वय 28 रा. ढवणवस्ती, अहमदनगर) टोळीविरूद्ध पोलिसांनी महाराष्ट्र संघटित गुन्हेगारी नियंत्रण कायद्यानुसार (मोक्का) कारवाई केली आहे.
यामध्ये टोळीप्रमुख असलेला सागर भांडसह रवी पोपट लोंढे (वय 22 रा. घोडेगाव ता. नेवासा), निलेश संजय शिंदे (वय 21 रा. पारिजात चौक, पाईपलाईन, अहमदनगर), गणेश रोहिदास माळी (वय 21 रा. वरवंडी ता. राहुरी), नितीन उर्फ सोन्या मच्छिंद्र माळी (वय 22 रा. मोरेचिंचोरे ता. नेवासा) व रमेश संजय शिंदे (वय 21 रा. बारागाव नांदुर ता. राहुरी) यांचा समावेश आहे.
त्याचे वडील पुणे जिल्हा पोलीस दलात होते. पैशाच्या मोहामुळे सागर गुन्हेगार बनला. टोळी तयार करून फसवणूक, रस्ता लूट आणि दरोड्याचे गुन्हेही त्याने केले. एकदा त्याला अटक झाली. जामीनावर सुटल्यावर त्याने गुन्हे सुरू केले.
